Бүгүн сэтинньи 21 күнүгэр Эрчим спортивнай залга “Тускул”уһуйаан профкомун көҕүлээһининэн иккис төгүлүн «соҕуруу»холбоһук уһуйааннарын спартакиадалара ыытылынна. Эҕэрдэ тыллары эттилэр "Тускул"уһуйаан сэбиэдиссэйэ Аида Петровна Местникова, Нам улууһун үөрэх үлэһиттэрин идэлээх сойууһун председатела Надежда Еремеевна Васильева.
Ылбаҕай ырыаны бэлэхтээтэ төрөппүт Валентина Ушницкая. Вероника Находкина күрэхтэһээччилэргэ сэргэх разминка ыытта.
Спартакиадаҕа 4 уһуйаан: «Хомус» 2-Хомустаах, «Мичийээнэ» 1-Хомустаах, «Чуораанчык» Үөдэй, «Тускул» Хамаҕатта уһуйааннар кыттыыны ыллылар. Дартс, корнхол, оҕунан ытыы, корзинаҕа мээчиги киллэрии, эстафета көрүҥнэргэ илин кэлин түстүлэр. Көрүҥнэринэн кыайыылаахтар мэтээл, грамота туттулар. "Мичийээнэ" уһуйаан эрэллээхтик кыайан көһө сылдьар кубогынан, улуус профсоюһун тэрилтэтиттэн 5000 сертификат туттулар, иккис миэстэни хаһаайыттар "Тускул", үһүскэ "Хомус". Ити курдук уһуйаан улэһиттэрэ үлэни сынньалаҥы дьүөрэлииллэр. Галина Дмитриевна Готовцева информацияны бэлэмнээтэ.