Бу ый 5 күнүгэр үгэс быһыытынан үөрэх үлэһиттэрин идэлээх союһун үөрэх сылын түмүктүүр улуустааҕы Туристическай слет буолла. Тэрээһин парадтан саҕаламмыта, үөрэх тэрилтэлэрэ бары кырасыабай биир тэҥ таҥас таҥнаннар колонна киэргэйэн ыраахтан көстөрө, парады сыанаттан Егор Андреевич Протопопов, Нам улууһун социальнай боппуруоһун баһылыгын солбуйааччыта, Мария Семеновна Игнатьева Нам улууһун үөрэх дьаһалтатын салайааччыта, Александр Гаврильевич Шарапов, ыҥырыылаах ыалдьыт, 1992-2024сс Нам улууһун үөрэх үлэһиттэрин идэлээх союһун председателынан үлэлэбитэ уонна Надежда Еремеевна Васильева Нам улууһун үөрэх үлэһиттэрин идэлээх союһун председателя.
Ыҥырыылаах ыалдьыттар үөрэх үлэһиттэрин туристическай слетунан, самаан сайын кэлбитинэн уонна үөрэх сыла этэннэ түмүктэммитинэн сылаас эҕэрдэ тылларын бэлэхтээтилэр, идэлээх союз активнай председателларын Махтал сурук, Бочуоттаах Грамотаны туттардылар. Турслет арыллыытын Дапсы бөлөх кэлэн киэргэттэ.
Председателлар сылы быһа дьоннорун түмэ тардан, араас тэрээһиҥҥэ көҕүлээн, коллективы сомоҕолуур сыалтан общественнай үлэлэригэр бэриниилээхтик, эппиэтинэстээхтик үлэлииллэрин түмүгүнэн буолар сылы быһа ыыттыллыбыт комплекснай спартакиада.
Үөрэх сылын устата үөрэх тэрилтэлэрин икки ардыгар идэлээх союз сыллааҕы былаанынан комлекснай спартакиада 1,2,3 бөлөххө арахсан спортивнай, идэлээх союз информационнай эйгэтин көрүү, уус-уран фестивальга күрэҕэ уо.д.а күрэххэ кыттаннар сыллааҕы түмүктэрин иһиттилэр. Ол курдук сыл түмүгүнэн
Уһуйааннарга
1 бөлөххө уһуйааҥҥа- 1 миэстэ- 2-с нүөм-х Сандаара Аппааны нэһилигин уһуйаана, 2 миэстэ -1 нүөм-х Солнышко уһуйаана, 3 миэстэ- Чуораанчык Үөдэй нэһилиэгин уһуйаана, 4 миэстэ - Кэрэчээнэ Хатырык нэһилиэгин уһуйаана
2 бөлөххө- 1 миэстэ – 3 нүөм-х Кэнчээри уһуйаан, 2 миэстэ – 6-с нүөм-х Кыталык Нам нэһилиэгин уһуйаанын кытта Сардаана Бөтүн нэһилиэгин уһуйаана, 3 миэстэ- 2-с нүөм-х Улыбка 2-Хомустаах нэһилиэгин уһуйаана, 4 миэстэ- 4-с нүөм-х Чэчир Нам нэһилиэгин уһуйаана буоллулар.
3 бөлөххө -1 миэстэ- 10 нүөм-х Теремок Нам нэһилиэгин уһуйаана, 2 миэстэ- Эрэл Көбөкөн нэһилиэгин уһуйаана, 3 миэстэ- 8-с нүөм-х Көлүкэчээн Нам нэһилиэгин уһуйаана, 4 миэстэ – Веснянка Никольскай нэһилиэгин уһуйаана буоллулар.
Оскуолаларга
1 бөлөххө – 1 миэстэ -1 нүөм-х Нам орто оскуолата, 2 миэстэ –Хатын-Арыы орто оскуолата, 3 миэстэ- 2 нүөм-х Нам орто оскуолатын кытта Хамаҕатта орто оскуолата, 4 миэстэ –Нам улууһун гимназията
2 бөлөххө -1 миэстэ- Бөтүн орто оскуолата, 2 миэстэ –Көбөкөн орто оскуолата, 3миэстэ- 3-с нүөм-х Нам орто оскуолата, 4 миэстэ- Хатырык орто оскуолата.
3 бөлөххө – 1миэстэ- Таастаах ситэтэ суох орто оскуолата, 2 миэстэ- Заотннааҕы ситэтэ суох орто оскуола, 3 миэстэ- Никольская алын сүһүөх оскуола.
Кыайыылаахтар сыаналаах призтарынан наҕараадаланнылар.
Ону таһынан турслетка араас күрэхтэр дартс, корнхол, пулевая стрельба, веселые старты, гитарнай музыка күрэҕэ ыытылыннылар уонна Павел Архипович Винокуров бачата, зумба мастер-класс ыытан үлэһиттэри сэргэхситтэ, хамсатта. Дьон үөрэ-көтө кытыннылар.
Бу күн олус үчүгэй сайыҥҥылыы халлаан туран биэрэн киһи тоҕуоруһа мунньустан үөрэн-көтөн сылы быһа түбүктээх үлэттэн аралдьыйа, сэргэхсийэ сынньана, айылҕалыын алтыһан, айылҕаттан күүс ылан дуоһуйдулар.